السلام عليكم ورحمة الله وبركاته ..
من زمآن عن المنتديات والمواضيع
مدري شلون أبدأ الموضوع .. بس يوم فكرت باللي سويناه الترم الأول والحفله اللي صارت وكذا فكرت اختصر لكم اللي صار في موضوع عشان ما تطيحون في نفس الغلطة اللي طحنا فيهآ ..
أولاً تذكروا أنه حرام حرام تآخذون فيه أقل من A .. فقط يبي لكم تنظيم وقت وأفكار عشان تفلحون أيما إفلاح
ثانياً فكرة أنكم تبون على الاقل بس تعدونه شيلوها من راسكم .. شي مب طيب تبدون الدراسه بهالفكرة حاولوا انكم تحطون في بالكم انكم معدينه معدينه بس الفكرة في التقدير

اللي صار معنا الترم اللي راح اننا انصعقنا وانصدمنا يوم شفنا الأسبوع الاول فيه 95 سؤال أو حولها ولازم نحلها حسبنا كل الترم بنحل أسئله كثر كذا جانا إحباط وروعه ما وخرها إلا عصفر < تستخف دمها 199999
عقبها اكتشفنا إن فيه كويزات بعد كل وييك تترواح الاسئلة فيها ما بين 20 إلى 30 سؤال وانصدمنا زيادة لاننا ما اكتشفنا او انتبهنا لهالشي إلا بعد 3 اسابيع يمكن..
ما أخفيكم إن الفكرة بس تضغط.. لكن إذا ما حليتوا أول بأول بتضطرون تعتكفون اعتكاف مب طبيعي آخر السمستر ..
شي ثاني الكويزات حلو تحلونها بعد الوييك حقها على طول عشان ما تضيع المعلومات ..
شي ثالث فيه مسائل سواليف ومنها تسوون معادلة أو مسألة تنحل حل عادي هذي تجي في الكويز اللي في البلاك بورد بس كويزات الجامعه نفسها او الميد والفاينل ما تجي ..

في الوييكات حاولوا قد ما تقدرون تآخذون 100 % .. والكويزات تقدرون تعيدونها وبرضك حاولوا تخلونها فوق 80 % كل ما قاربتوا للكمال كل ما صار أحسن
من الوييك الأول للوييك التاسع سهل جداً.. بس احرصوا كل الحرص ما تجمعون وييكين سوآ بتنضغطون بعدين وتضيعيون ..
الوييك 10 فيه مسائل سواليف زي اللي قلت لكم.. لأني من الناس اللي انضغطوا وغلطت غلطه فادحه صرت أبحث عن راس المسأله في قوقل وآخذ الطريقة وأحل بها على طول مشيت حالي شوي ..
بس لو يرجع بي الوقت لبداية الترم ما كنت تأخرت وكنت بحل كل وييك في وييكه وكل كويز بأسبوعه..



هالشي ما اكتشفته إلا بعد ما نزلت الدرجات وصرت أحسب من خلاله تقدمي .. هذي في النهاية بتصير درجتكم .. حاولوا قد ما تقدرون ترفعونها لفوق الـ 15
لكل وييك ولكل كويز نسبة مئوية بس في النهاية كل الكويزات وكل الوييكات لها نسبة مئوية عامة ومن خلالها يُحسب لكم التقدم..
لو لاحظتوا الخط الأحمر في الصورة .. هذا إذا عديتوا في النسبة العامة للويكز والكويزز 80 % تعدونه ..

في الميد حاولوا تجيبون الفل مارك أو لو تهورتوا تنقصون درجتين بس لأنه بيصير سهل جداً وبتنصدمون من سهولته من كثر ما أنتم شايلين همه وأنتم تذاكرون فحرآم تنقصون فيه كثير..
وأنتم تذاكرون حاولوا تبسطون المسائل وتحلونها في اسرع وقت ويضمن لكم صحتهآ؛ لأنها بتفيدكم في الصح والخطأ..
* ملاحظه صغيرة: احرصوا تحلون كل وييك بوييكه لأن فيه اسئله جت في الصح والخطأ ما عطتنآها التيتشر في المحاضرة بس يوم صرت أحل الوييكات لقيت كل الاسئله اللي ما عرفتها فيهم..
وإذا خلصتوا مذاكرة جيبوا أسئلة السنوات اللي راحت وحلوها بدون أي مساعدة خارجية عشان تتعودون على طريقة الاسئلة ..

بالنسبة للكويزات حقت الجامعه فيه تقريباً 4 أو 5 كويزات .. احرصوا تجيبون الدرجه الكاملة في اثنين منهم لأنهم بياخذون أفضل درجتين * ركزوا على اول الكويزات تافهه وسهله ويمديكم تجيبون الفل مارك *

كتبت الموضوع باستعجال .. إذا جا في بالي شي ثاني بدرعم وأضيفه
أتمنى صدق يعني تستفيدون من الكلام اللي كتبته ومحد يحمل المادة وتعدونها من أول مره وبامتياز

الف شكر لكِ

استفدت من موضوووعك

ربي يعطيك العافيه ويجزاك كل خير

شهاب ،، توفي ..
العفو ما سوينا شي .. وان شاء الله تعدونه بامتياز ^^

الله يسعدك

وكل من ساعد بفكرة من عندة

بالتوفيييق

شششششششششششششششششككككككككككككككككررررررررررررررررر اااااااااااااااااااا